ՀՀ առողջապահության նախարար Արմեն Մուրադյանն այսօր կառավարության նիստից հետո լրագրողների հետ ճեպազրույցում տեղեկացրեց, որ ապրիլյան պատերազմի օրերին վիրավորված զինծառայողներից այս պահին վերակենդանացման բաժանմունքում գտնվում են երեքը: «Դեռեւս 3 հոգի գտնվում են վերակենդանացման բաժիններում, այսօր Ռոլանդին կարողացել են բակ իջեցնել` մաքուր օդի, բոլորի մոտ կայուն դինամիկա կա` դրական միտումներով և հուսով եմ՝ շուտով կապաքինվեն կտեղափոխվեն պալատ»:
Նախարարը Արման Լազգիյանի առողջական վիճակի մասին, ով բուժման նպատակով գտնվում է Գերմանիայում, տեղեկացրեց. «Արմանի մոտ կայուն վիճակ է, գրեթե ամենօրյա կապի մեջ ենք իրենց հետ և Համբուգի հիվանդանոցի հետ, որտեղ նա անցնում է իր բուժումը: Եւ ակնկալիքներ կան, որ հետագայում տեղափոխեն նեղ մասնագիտացած հիվանդանոց, որի հետ ևս փորձում ենք կապ հաստատել»:
Մանրամասները՝ տեսանյութում:
