Մատակարարումները Սվինոույսցեում հեղուկացված բնական գազի տերմինալով և գազատարով, որը Լեհաստանը կմիացնի նորվեգական խութին, կարող են մինչև 2022 թվականը Լեհաստանին անկախություն ապահովել «արևելքի» գազի մատակարարումներից: RIA Nօvosti-ի հաղորդմամբ՝ այս մասին հայտարարել է Լեհաստանի կառավարության ռազմավարական էներգետիկ ենթակառուցվածքի զարգացման հարցերով ներկայացուցիչ Պետր Նաիմսկին:
Ավելի վաղ Նաիմսկին հայտարարել է, որ գազի մատակարարման պայմանագրի սպառվելուց հետո (2022թ.) երկիրը մտադիր չէ «Գազպրոմի» հետ փոխգործակցել երկարաժամկետ հիմունքով, իսկ Ռուսաստանից գազ գնելու հարցում կառաջնորդվի «կապույտ վառելիքի» գնով:
Նաիմսկին Լեհաստանի նախագահ Անջեյ Դուդային կուղեկցի Դանիա այսօր մեկնարկելիք նրա այցի ժամանակ: Ուղևորության ընթացքում, մասնավորապես, կքննարկվի Baltic Pipe գազատարի շինարարությունը, որը հնարավորություն կտա գազ մատակարարել Նորվեգիայից Լեհաստան:
Պաշտոնյայի խոսքով՝ մատակարարումները Սվինոույսցեում հեղուկացված բնական գազի տերմինալով և գազատարով, որը Լեհաստանը կմիացնի նորվեգական խութին, կօգնեն փոխարինել Ռուսաստանից վառելիքի մատակարարումներին:
