Spletnik.ru-ի փոխանցմամբ՝ հունիսի 8-ին Քանյե Ուեսթը դարձավ 39 տարեկան:
Ուեսթը հոբելյանը տոնել է Քարդաշյանների ընտանիքում սիրով շրջապատված։ Քարդաշյանները նրա ծնունդը շնորհավորել են սոցցանցերում՝ գորովանքով լի խոսքերով։ Կինը՝ Քիմ Քարդաշյանը, նրան ուղղված շնորհավորանքում Քանյեին դիմել է «իմ լավագույն ընկեր», իսկ զոքանչը՝ Քրիս Ջենները, «որդիս», Քլոեն նշել է, որ ուրախ է իրենց կյանքում Քանյեի գոյությամբ։
Ռեփերը ոչ միայն երաժիշտ է, դիզայներ, համաշխարհային մասշտաբի ճանաչված անձ և Քիմ Քարդաշյանի ամուսինը, այլև մի ամբողջ մշակութային երևույթ, որը կարելի է անվերջ քննարկել:
Քանյե Ուեսթը իրեն համարում է Աստված, ինչի մասին վկայել են նրա երգերը, հարցազրույցները և թվիթերյան բազմաթիվ գրառումները: Սկզբնական շրջանում բոլորը կարծում էին, թե նա կատակում է, սակայն տարեցտարի ակնհայտ դարձավ, որ Ուեսթը լիովին լուրջ է:
Ռեփերի ինքնասիրահարվածությունն ընդհանրապես չի ճանաչում սահմաններ: Դրա մասին են վկայում նրա հետևյալ խոսքերը.
«Եթե դու լավագույններից լավագույնն ես, ապա քեզ ատում են բոլորից շատ»:
«Ես ժամանակ չունեմ կարդալու իմ մասին ամեն տեսակի պատմություններ, ես չափազանց զբաղված եմ իմ պատմությունը ստեղծելով»:
«Ես Աստծո արյունն եմ, իմ ամենամեծ վիշտն ու ցավն այն է, որ ես երբեք չեմ կարող իմ ելույթը տեսնել կողքից»:
«Ես գիտեմ, որ կարող եմ աշխարհը դարձնել ավելի լավը, ես արդեն արել եմ անհնարինը՝ զբաղեցրել եմ ռեփի գահը, փոխել եմ խաղի կանոնները նորաձևության աշխարհում»:
«Ես այս սերնդի Դիսնեյն եմ, ցանկանում եմ ինչ-որ խելացնոր բան տալ այս աշխարհին»:
«Եթե Դոնալդ Թրամփը որոշել է առաջադրվել ԱՄՆ նախագահի պաշտոնում, ապա ինչո՞ւ Քանյե Ուեսթը չի կարող վարվել նույն կերպ. ես որոշել եմ նախագահի պաշտոնում առաջադրվել 2020 թվականին»:
«Ես 50 տոկոսով ազդեցիկ եմ Սթենլի Կուբրիկից, Պողոս առաքյալից, Պիկասոյից ու Էսկոբարից, մյուս 50 տոկոսով ավելի ազդեցիկ եմ այսօրվա աշխարհի յուրաքանչյուր մյուս մարդկանցից, և այդպես կլինի դեռ հազար տարի»:
