Գերմանիայի և Սկանդինավյան երկրների քաղաքացիությունները ամենագրավիչն են աշխարհում հասարակական, տնտեսական և քաղաքական բարօրության տեսանկյունից: Այս մասին հայտնում է BBC-ի ռուսական ծառայությունը՝ վկայակոչելով աշխարհի քաղաքացիությունների՝ հինգշաբթի հրապարակված վարկանիշային ցուցակը:
Ինդեքսը կազմել է շվեյցարական Henley & Partners խորհրդատվական ընկերությունը՝ Ներդրումային միգրացիայի խորհրդի ղեկավար Դմիտրի Կոչենովի հետ համագործակցությամբ:
Փորձագետները 2011-2015թթ. ուսումնասիրել են 182 քաղաքացիություն՝ տարբեր ցուցանիշներով:
Ցուցակի առաջին տեղում Գերմանիան է (83,1%), հաջորդում են Դանիան, Ֆինլանդիան, Նորվեգիան և Շվեդիան: Ցուցակը եզրափակում են Աֆղանստանը (14,4%) և Կոնգոյի Դեմոկրատական Հանրապետությունը (14,3%):
