Առնոլդ Սեդրիքը գործուղման էր մեկնել Թաիլանդ, երբ առաջին անգամ հանդիպեց ոտքից գլուխ դաջվածքներով պատած նավաշինարարական գործարանի աշխատակցի: Հենց այդ պահից սկսվել է Առնոլդի ծանոթությունը Յանթ ավանդական դաջվածքների հետ, որոնց պատմությունը ավելի քան 100 տարվա վաղեմության է:
1. Առնոլդը ստեղծել է «Սուրբ թանաք» ֆոտոնախագիծը՝ իր կյանքից 4.5 տարի հատկացնելով Թաիլանդին: Հեղինակը պատկերել է երկրում հայտնի դաջվածքների բոլոր «ավանդույթները»:
2. Յանթ դաջվածքներն իրենց մեջ ներառում են բուդդայականության, անիմիզմի, բրահմանականության և հինդուիզմի տարրեր:
3. Մինչև օրս համարվում է, որ այդ դաջվածքները կախարդական ուժ ունեն: Դրանք մի ժամանակ համարվում էին նաև հանցագործների կամ մարդասպանների խորհրդանիշը:
4. Յանթերը միջազգային ուշադրության կենտրոնում հայտնվեցին, երբ Անջելինա Ջոլին դաջեց 2 նման դաջվածքներ Բանգկոկ ուղևորության ընթացքում:
5. «Ես ցանկանում էի ցույց տալ ավելի թանկագին բան, քան ուղղակի դաջվածքը: Ես ընտրեցի 25 մարդու, ապա թողեցի 15 մասնակցի՝ ամենահետաքրքիր անձանց»,- ասել է Առնոլդը:
6. Աշխատանքի ընթացքում նա ծանոթացել է այնպիսի մարդկանց հետ, որոնց համար ադ դաջվածքները կենսակերպ են դարձել:
7. «Թանաքն իրենից ներկայացնում է ավանդական չինական ստվերաներկ, սակայն օձի թույն չի պարունակում: Այն պարունակում է, այսպես կոչված, վուդուի խառնուրդ»,- բացատրում է Առնոլդը:
8. Այս ավանդույթի գաղտնիքները բացահայտելը հեշտ չէ: Առնոլդը նշել է, որ եթե դուք դաջվածքներ չունեք մարմնի վրա, մարդիկ կասկածանքով ձեզ կվերաբերեն և ներս չեն թողնի:
9. Առնոլդը նախագիծը նկարագրում է որպես ինտելեկտուալ ճամփորդություն:
10. «Յանթ դաջվածքները ավելի ու ավելի հայտնի են դառնում՝ ինչպես արևմտյան դաջվածքամոլությունը»,- գրում է Առնոլդը:
