Ալյասկայի նախկին նահանգապետ Սառա Փեյլինը կվերադառնա Fox News՝ որպես հաղորդման հեղինակ ու մասնակից: Այս մասին հայտնել է ընկերության գլխավոր տնօրեն Ռոջեր Էյլզը՝ հաղորդում է Dow Jones Newswires-ւ:
Ռոջեր Էյլզի խոսքով՝ ինքը Փեյլինի հետ բանակցություններ է վարել վերջին մի քանի շաբաթներին:
Ալյասկայի նախկին նահանգապետը կհայտնվի մի քանի ցերեկային ու երեկոյան ծրագրերում՝ սկսելով Fox & Friends-ից, որը ցուցադրվում է երկուշաբթի օրերին:
Բացի այդ՝ նա կմասնակցի նաև Fox Business ալիքի ծրագրերին:
Փեյլինը 3 տարի՝ 2010թ. հունվարից մինչև 2013թ., աշխատել է Fox News-ում և ստացել տարեկան մոտ 1 մլն դոլար աշխատավարձ:
Ամերիկյան հեռուստաալիքները հաճախ աշխատանքի են հրավիրում փորձագետների, հաճախ՝ առաջատար, նախկին քաղաքական գործիչների:
