Թուրքիայում «ջիփ-սաֆարի» էքսկուրսիայի ժամանակ 8 օտարերկրացի զբոսաշրջիկներով ավտոմեքենան ընկել է 25 մետրանոց անդունդը: Զոհվել է Ղազախստանի քաղաքացի հանդիսացող մի կին: Այս մասին հայտնում է թուրքական Sabah թերթը:
Վթարի մասին հայտնի է դարձել այսօր: Այն տեղի է ունեցել հունիսի 7-ին՝ ժամը 13.00-ին (Երևանի ժամանակով՝ ժամը14.00-ին), Անթալիա նահանգի Սերիք շրջանում: Ջիփի վարորդը և մնացած զբոսաշրջիկները (մեկ ռուս, Ղազախստանի 2 քաղաքացի և 3 գերմանացիներ) հոսպիտալացվել են: Թերթի տեղեկություններով՝ տուժածների վիճակը բավարար է:
Նախնական տվյալներով՝ վարորդը կորցրել է մեքենայի ղեկավարումը: Փաստի առթիվ անցկացվում է հետաքննություն:
