Ռեփեր Քանյե Ուեսթի երկրպագուները հավաքական հայց են ներկայացրել երաժշտի և նրա ընկեր ու գործընկեր Ջեյ Զիին պատկանող ընկերության դեմ: Երկրպագուները նրանց մեղադրում են մեքենայության համար, հայտնում է Reuters-ը:
Քանյե Ուեսթը հայտնել էր, որ իր նոր The life of Pablo ալբոմը հասանելի կլինի միայն Tidal ինտերնետ-ռեսուրսում, որը Ջեյ Զին 56 մլն դոլարով գնել է 1 տարի առաջ: Երկրպագուները բաժանորդագրվել են, սակայն ավելի ուշ նոր ալբոմի բոլոր երգերը ազատ հասանելիություն են ունեցել Spotify-ում և Google Play Music-ում:
Երկրպագուներն այդ քայլը համարել են ծեծված հնարք: Tidal-ը The life of Pablo-ն անվճար ռեսուրսներից ուշ է հրապարակել, բայց Ուեսթի երկրպագուների շնորհիվ առցանց-պորտալն իր բաժանորդագիրների թիվն ավելացրել է եռակի: Արդյունքում դրա արժեքը մեծացել է 24 մլն դոլարով՝ 60-ից մինչև 84 մլն դոլար:
