Ոստիկանությունը մաքրել է Բրյուսելում ահաբեկչության զոհերի հիշատակի վայրի մոտի հրապարակը մի քանի հարյուր ցուցարարներից, ովքեր կազմակերպել են չթույլատրված ցույց ահաբեկչական գործունեության դեմ, հայտնում է Le Soir-ը:
Նշվում է, որ մոտ 450 խուլիգան ժամանել են մայրաքաղաքի հյուսիսային կայարան, ապա շարժվել դեպի բրյուսելյան բորսա: Հենց այդտեղ են գալիս մարդիկ մոմեր վառելու և ծաղիկներ դնելու զոհերի հիշատակին:
Ցուցարարները բացականչել են. «Մենք մեր տանն ենք», ինչպես նաև Բրյուսելի ահաբեկչությունները դատապարտող կարգախոսներ:
