ՀՀԿ խմբակցության պատգամավոր, գործարար Սամվել Ալեքսանյանին պատկանող Ախուրյանի շաքարավազի գործարանն իրո՞ք շաքարավազ արտադրող հզորություն է, թե բուտաֆորիա՝ պատրաստի շաքարավազը մի դռնով որպես հումք մտցնելու, մյուս դռնով որպես պատրաստի արտադրանք հանելու և այսպիսով տասնյակ միլիոնավոր դոլարների մաքսատուրքերից խուսափելու համար: Այսօր ԱԺ-ում ՏՄՊՊՀ 2015թ. տարեկան ծրագրի քննարկման ժամանակ այսպիսի հարց հնչեցրեց ՀԱԿ խմբակցության պատգամավոր Նիկոլ Փաշինյանը:
Նրա խոսքով՝ 2009-2014թթ Հայաստանում ոչ մի կգ շաքարի ճակնդեղ չի մթերվել: Սերժ Սարգսյանի հայտարարությունից հետո այդ գործարանը նույնիսկ ձևի համար մի կիլոգրամ ճակնդեղ չի մթերել. «Բա սա ի՞նչ է, եթե ոչ բուտաֆորիա, եթե ոչ փուչիկ»:
Ըստ նրա՝ այս պատմության տխուր մասն այն է, որ ճակնդեղագործության հայեցակարգը որևէ արդյունք չի տվել մինչ օրս. «Սակայն պետք չէ հուսահատվել, քանի դեռ ՀՀ-ում կան ճակնդեղագործության այնպիսի նվիրյալներ, ինչպիսիք են՝ Սամվել Ալեքսանյանն ու Սերժ Սարգսյանը: Ժամանակն է մտածել, պարոնայք Սերժ Սարգսյանին և Սամվել Ալեքսանյանին պատվավոր ճակնդեղագործի կոչում շնորհելու մասին»:
Մանրամասները՝ տեսանյութում:
