Գերմանական Berliner Zeitung թերթին տված հարցազրույցի ժամանակ Գերմանիայի կանցլեր Անգելա Մերկելը հայտարարել է, որ ԵՄ-ին Թուրքիայի անդամակցության վերաբերյալ բանակցությունները դեռ պահանջում են շատ մեծ ժամանակ, քանի դեռ չի լուծվել Հյուսիսային Կիպրոսի կարգավիճակի հարցը:
«Թուրքիան ԵՄ-ին անդամակցելու թեկնածու երկիր է։ Անդամակցության գործընթացը տարվում է որոշակի արդյունքով։ Մենք հեռու ենք նրանից, որ ավարտենք բանակցությունների էական փուլերը։ Օրինակ՝ լուծված չէ Կիպրոսի հարցը։ Այդ ամենը պահանջում է շատ ժամանակ»։
Հիշեցնենք, որ Կիպրական խնդիրը շարունակում է չլուծված մնալ 1974 թվականից, երբ Հյուսիսային Կիպրոս ներխուժեցին թուրքական զորքերն ու գրավեցին Կիպրոսի տարածքի 37 տոկոսը (3355 քառակուսի կիլոմետր), ինչը թուրքական կողմն անվանում է «Խաղաղության շարժում»:
