Նյու Յորքում չորեքշաբթի գրանցվել է ջերմաստիճանային ռեկորդ. կեսօրին Մանհեթենի Կենտրոնական պարկում օդի ջերմաստիճանը հասել է մինչև 25 աստիճան տաքության: Այս մասին հայտնում է TASS-ը:
Այսպիսով գերազանցվել է 2000 թվականի մարտի 9-ին գրանցված 20.6 աստիճան առավելագույն տաքությունը: Կանխատեսումների համաձայն՝ մարտի սկզբի համար այդքան անսովոր տաք ջերմաստիճանը կպահպանվի մի քանի օր: Նշվում է, որ հինգշաբթի կարող է գրանցվել ևս մեկ ջերմաստիճանային ռեկորդ, չնայած հնարավոր է կարճատև անձրև:
Նյու Յորքի հարևան նահանգներում նույնպես տաք է՝ Բոստոնում չորեքշաբթի գրանցվել է ռեկորդային 25 աստիճան, իսկ Նյու Ջերսի նահանգի Նյուարք քաղաքում՝ 27 աստիճան:
