Volkswagen գերմանական ավտոկոնցեռնի ամերիկյան մասնաճյուղի նախագահ Մայքլ Հորնը, ով զբաղեցրել է պաշտոնը 2014 թվականին, հեռանում է։ Այս մասին հայտնում է Volkswagen Group of America-ի մամլո ծառայոթյունը։
Նշվում է, որ Հորնը հեռանում է փոխադարձ համաձայնությամբ՝ «այլ հնարավորություններից օգտվելու համար»։
Նրա պաշտոնում նշանակվել է VW հյուսիսամերիկյան տարածաշրջանի ղեկավար Հինրիկ Վեբկենը։
Հիշեցնենք, որ ԱՄՆ արդարադատության նախարարությունը քաղաքացիական հայց էր ներկայացրել կոնցեռնի դեմ՝ կապված «Ակտ մաքուր օդի մասին» ամերիկյան օրենքի հնարավոր խախտման հետ։
VW-ն անցած տարվա սեպտեմբերին խոստովանել էր, որ կիրառել է հատուկ ծրագրային ապահովում՝ դիզելային շարժիչների արտանետումների թեստերի արդյունքները կեղծելու համար։ 2009 թվականին այդ ծրագրային ապահովումը տեղադրվել է ավելի քան 11 մլն մեքենայի վրա։
