Վերջին երկու տարում Գերմանիայի ընկերությունների ղեկավարների շարքում կանանց թիվը գործնականում չի փոխվել, ինչի մասին վկայում են երկրի Համերկրային վիճակագրական վարչության (Destatis) տվյալները՝ փոխանցում է Deutsche Welle-ն:
2014 թվականին Գերմանիայի բարձրաստիճան կառավարիչների թվում կանանց բաժինը կազմել է 29 տոկոս: Դա ավելի քիչ է, քան Եվրամիության երկրների մեծ մասում, որտեղ ցուցանիշը միջին հաշվով կազմում է 33 տոկոս։
Գերմանիայում գեղեցիկ սեռի ղեկավարների նվազագույն թիվը շինարարական ճյուղում է (13 տոկոս), առավելագույնը (62 տոկոս)՝ կրթության և նախադպրոցական դաստիարակության ոլորտում:
Վարկանիշի առաջատարը Լատվիան է, որտեղ ղեկավար պաշտոնների 44 տոկոսն զբաղեցնում են կանայք: Այդ երկրին հաջորդում են Հունգարիան՝ 40 տոկոս, Լեհաստանը և Լիտվան՝ 39-ական տոկոս:
Վերջին տեղն զբաղեցնում է Կիպրոսը, որտեղ կանայք կազմում են ընկերությունների ղեկավարների ընդհանուր թվի ընդամենը 17 տոկոսը։
