Թուրքական Dünya Bülteni լրատվական կենտրոնի փոխանցմամբ՝ Ստամբուլի Բայրամփաշա թաղամասում ոստիկանատան վրա հարձակում գործած երկու կանայք վնասազերծվել են։ Դեռևս անհայտ այդ կանայք ձեռքի նռնակներ են նետել ոստիկանների վրա և սկսել են կրակել իրենց մոտ եղած զենքերից։
Շրջակայքում պարեկություն կատարող ոստիկանները պատասխան կրակ են բացել՝ սպանելով հարձակում գործածներից մեկին։ Հարձակում իրականացրած մյուս կինը թաքնվել է մոտակա շենքերից մեկում, որը պաշարվել է ոստիկանության կողմից։
Ոստիկանության հատուկջոկատայինները նրան առաջարկել են հանձնվել, սակայն պատասխան չստանալով՝ գրոհել են այն։ Գրոհի ժամանակ սպանվել է երկրորդ կին ահաբեկիչը։ Ներկա դրությամբ հայտնի չէ հարձակում գործած կանանց ինքնությունը, ինչպես նաև այն, թե որ կազմակերպության անդամ են նրանք։ Անցկացվում է հետաքննություն։
