Վատիկանի L’Osservatore Romano թերթը դրական ակնարկ է հրապարակել «Ուշադրության կենտրոնում» ֆիլմի վերաբերյալ, որը երեկ «Օսկարի» արժանացավ որպես «Տարվա լավագույն ֆիլմ»: Այս մասին հաղորդել է Reuters-ը:
Լրագրողական դրամայի սյուժեն հիմնված է իրական իրադարձությունների վրա, երբ Boston Globe թերթը երեխաների բռնաբարման դեպքեր է բացահայտել քաղաքի արքեպիսկոպոսությունում:
Ֆիլմը թշնամական զգացումներ չի առաջացնում եկեղեցու նկատմամբ՝ ասվում է նյութում։ Հրապարակման մեջ նշվում է, որ կինոժապավենի սյուժեն «խորը ցավ է առաջացնում հավատացյալների մեջ, որոնք դիմակայում են զարհուրելի իրականության բացահայտմանը»։
Վատիկանի պաշտոնական տպագիր մարմնում նշել են, որ ֆիլմը տալիս է «արիություն՝ դատապարտելու այն արարքները, որոնք պետք է դատապարտվեն առանց վարանումների»:
