Վաշինգտոնում մտադիր են խստորեն պահպանել Սիրիայում հրադադարի ռեժիմը և ակնկալում են, որ մյուս կողմերը նույնպես կհետևեն իրենց պարտավորություններին՝ հայտարարել է Պենտագոնի մամլո քարտուղար Միշել Բալդանցան: Այս մասին հայտնում է Interfax-ը:
«Պաշտպանության նախարարությունը հակված է կատարելու հրադադարի պահպանման պարտավորությունների իր մասը և հույս ունի տեսնելու մյուս կողմերի համանման գործողությունները»,- ասել է նա՝ պատասխանելով խնդրանքին՝ մեկնաբանել ՌԴ ԱԳ նախարար Սերգեյ Լավրովի հայտարարությունն այն մասին, որ Սիրիայում հրադադարը կախված է ՌԴ և ԱՄՆ զինվորականների համագործակցությունից:
«Ինչպես հայտարարել է պետքարտուղար Քերին իր մամլո ասուլիսի ժամանակ, ամերիկյան դիրքորոշման մեջ փոփոխություններ չկան: Մեզ անհրաժեշտ է լեգիտիմ քաղաքական գործընթաց, մեզ հարկավոր է համոզվել, որ Ժնևյան գործընթացի շրջանակներում մենք հետևում ենք անցումային շրջանին, և մեզ անհրաժեշտ է նաև համաձայնեցնել ջանքերը ԴԱԻՇ-ին ոչնչացնելու համար»,- ասել է Բալդանցան:
