«Ռեալ» Մադրիդի հարձակվող Քրիշտիանու Ռոնալդուն ժամանակից շուտ լքել է իտալական «Ռոմա»-յի հետ ֆուտբոլի Չեմպիոնների լիգայի 1/8 եզրափակիչ խաղի հանդիպումից առաջ տեղի ունեցած մամլո ասուլիսը, հայտնում է Mirror-ը:
Այդ ձևով է պորտուգալացի ֆուտբոլիստն արձագանքել լրագրողի արտագնա խաղերում նրա առանց գոլերի շարքի մասին հարցին:
«Ո՞վ կարող էր արտագնա խաղերում ավելի շատ գոլ խփել այդ ընթացքում, քան ես Իսպանիայում: Անվանեք գոնե մեկ ֆուտբոլիստի: Պատասխան չունե՞ք: Վերջ, շնորհակալություն և ցտեսություն»,- հայտարարել է Ռոնալդուն և լքել դահլիճը:
Վերջին անգամ հարձակվողը Իսպանիայի առաջնության արտագնա խաղում գոլ է խփել 2015 թվականի նոյեմբերի 29-ին` «Էյբար»-ի հետ հանդիպման ժամանակ:
