Հռոմի պապ Ֆրանցիսկոսին Մեքսիկա այցի ընթացքում նկատել են ամբոխի վրա գոռալիս: Ամբոխը քաշքշել է նրան և գցել հաշմանդամ մարդու վրա, և պապի համբերության բաժակը լցվել է:
Պապը ողջունելու էր եկել արևմտյան Մորելլա քաղաքում գտնվող մարզադաշտի երկրպագուներին: Նա ժպիտով է ընդունել մարդկանց այդ այցի ժամանակ:
Այնուամենայնիվ, որոշ մարդիկ քաշել են նրա ձեռքից և այնպես արել, որ ընկնի արգելապատի մոտ գտնվող հաշմանդամի վրա:
Ֆրանցիսկոս պապը մի քանի քայլ հետ է գնացել, և ամբոխի հասցեին հնչել են սթափեցման կոչեր: Նա բացականչել է. «No seas egoísta. Qué te pasó, no seas egoísta», որը հայերեն թարգմանվում է. «Մի՛ եղեք եսասեր, մի՛ եղեք եսասեր»:
Պապը շարունակել է ողջունել մարդկանց` մեկնումից մի քանի րոպե առաջ:
Ուղևորության ընթացքում Ֆրանցիսկոս պապը մեքսիկացի երիտասարդներին կոչ է արել դիմակայել թմրանյութի վաճառքով զբաղվողների կողմից տրվող «հեշտ» փողի հրապուրանքին և փոխարենը զարգացնել իրենց համայնքները` արժևորելով դրանք իբրև երկրի հարստություն:
Թմրանյութի առևտրի կիզակետում գտնվող մեքսիկական Միչոաչան նահանգում երիտասարդական հավաքականի խաղի ժամանակ Ֆրանցիսկոս պապը հույսի և խրախուսման կոչ է արել հաջորդ սերունդներին: Նա նշել է, որ դժվար է իմանալ արժեքդ, երբ շարունակաբար կորցնում ես ընկերներիդ ու բարեկամներիդ` թմրանյութի առևտրի, հենց թմրանյութի, սարսափ սերմանող հանցավոր կազմակերպությունների ճիրաններում: Բայց նա պնդել է. «Դո’ւք եք Մեքսիկայի հարստությունը»:
Պապը ժամանել է թմրամիջոցների թրաֆիքինգի երկիր համարվող Մեքսիկայի մարզադաշտ մեքսիկացի հոգևորականների, միանձնուհիների և ճեմարանականների ողջույնների ուղեկցությամբ:
Մեքսիկա ուխտագնացության վերջին օրը նա շրջել է քաղաքով: Նրա այցի նպատակներից մեկը երիտասարդ մեքսիկացիներին կոչ անելն էր՝ չգայթակղվել թմրանյութերի վաճառքով և չմիանալ հանցավոր խմբավորումների, այլ օգնել իրենց համայնքների զարգացմանը:
