«Մի թափառող ձևակերպում կա. բոլորն առավոտ-իրիկուն հայտարարում են, որ պետք է ընդդիմությունը միավորվի, դաշինք կազմի, որ կարողանա քաղաքական դաշտն ավելի դինամիկ և նորմալ զարգանա, բայց կոնկտրետ գործնական քայլերի պահն է գալիս, մեկ էլ տեսնում ես, որ ամեն մեկը մտածում է, որ այդ դաշինքն իր շուրջը պետք է լինի. դա միշտ խանգարել է կայացմանը»: Այս մասին «Առաջին լրատվական»-ի հետ զրույցում նշեց ԱԺ «Ժառանգություն» խմբակցության պատգամավոր Ռուբիկ Հակոբյանը՝ անդրադառնալով ընդդիմադիր դաշինք ստեղծելու վերաբերյալ Հրանտ Բագրատյանի առաջարկին:
Անդրադառնալով «Նոր Հայաստան» հանրային փրկության ճակատի այն հայտարարությանը, թե մարտի 1-ի հանրահավաքին չեն կարող միևնույն հարթակում գտնվել նրանք, ովքեր Բաղրամյան 26-ում մասնակցեցին ֆոտոսեսիային՝ Ռուբիկ Հակոբյանը նշեց, որ պետք է պոլիտիկանտությունը տարբերել քաղաքականությունից, և որ այս կոչերն ընդհանրապես քաղաքականության հետ կապ չունեն. «Այդպիսի կատեգորիկ և ժխտողական կարգախոսներով հրապարակ մտնելն ընդհանրապես քաղաքականության հետ կապ չունի: Ուղղակի «լավ տղա» արմատական կեցվածք ունեցողների դիրքերից խոսողներն են հիմնականում նպաստում իշխանության վերարտադրմանը:
Ռուբիկ Հակոբյանի խոսքով՝ Մարտի 1-ը չպետք է շահարկվի, ուղղակի այդ օրը պետք է գնալ և լուռ ծաղիկներ դնել, հարգել այդ օրվա զոհերի հիշատակը:
Մանրամասները՝ տեսանյութում
