Hollywood Reporter պարբերականի փոխանցմամբ՝ այսօր Լոնդոնում մեկնարկել են «Աստղային պատերազմներ» կինոշարքի թվով 8-րդ ֆիլմի նկարահանումները։ Դրանք ղեկավարում է ռեժիսոր Ռայան Ջոնսոնը, որը հանդիսանում է նոր սերիայի սցենարի հեղինակը։
Հայտնի է, որ ֆիլմում նկարահանվելու են այնպիսի հանրահայտ կատարողներ, ինչպիսիք են Բենիսիո դել Տորոն ու Լորա Դերնը, որոնք ավելի վաղ չեն նկարահանվել նախորդ դրվագներում։
Ֆիլմը կդառնա «Աստղային պատերազմներ» կինոշարքի 7-րդ դրվագի («Ուժի զարթոնք») շարունակությունը, որը համաշխարհային էկրաններին բարձրացել է նախորդ տարվա դեկտեմբերի 15-ին և իր ստեղծողներին արդեն իսկ բերել է ավելի քան 2 միլիարդ դոլար։ 8-րդ դրվագի շնորհանդեսը նշանակված է 2017 թվականի դեկտեմբերի 15-ին։
