Վրաստանի վարչապետ Բիձինա Իվանիշվիլին չի բացառում, որ հյուրի կարգավիճակով կարող է ներկա լինել 2014 թվականին Սոչիում անցկացվելիք Օլիմպիադային: Համապատասխան հայտարարությամբ Իվանիշվիլին հանդես է եկել Թբիլիսիում կայացած մամլո ասուլիսի ժամանակ: Այս մասին հայտնում է ITAR-TASS-ը:
Նա հաղորդել է, որ դեռևս պաշտոնական հրավեր չի ստացել հյուրի կարգավիճակով Օլիմպիադային մասնակցելու համար, սակայն նրա խոսքով՝ ինքը կարող է գնալ նաև առանց հրավերի:
Հիշեցնենք, որ մայիսի 2-ին Վրաստանի Ազգային օլիմպիական կոմիտեի նիստում միաձայն որոշում ընդունվեց՝ 2014-ի ձմեռային խաղերին երկրի մասնակցության վերաբերյալ:
