Թուրքիան և Հունաստանը համաձայնել են դիմել ՆԱՏՕ-ին Էգեյան ծովում պարեկելու խնդրանքով՝ ներգաղթալների նկատմամբ վերահսկողության և անօրինական ներգաղթյալներին տեղափոխող մաքսանենգների դեմ պայքարի համար։ Այս մասին հայտնում է Reuters-ը՝ հղում անելով անանուն գերմանացի պաշտոնյայի։
«Թուրքիան և Հունաստանը ՆԱՏՕ-ին խնդրում են հսկողություն սահմանել ազգային առափնյա պահպանության հետ կապված իրավիճակի և Frontex-ի նկատմամբ»,- հայտարարել է պաշտոնյան։
«Փախստականներով նավակները կանգնեցնելն ու դրանք հետ ուղարկելը ՆԱՏՕ-ի խնդիրը չեն»,- նշել է պաշտոնյան։
Ինչպես հաղորդվում է, Թուրքիան հայտարարել է, որ պատրաստ է ընդունելու ծովում փրկված կամ ՆԱՏՕ-ի կողմից բռնված փախստականներին։ ՆԱՏՕ-ի կողմից հավաքված տեղեկատվությունը կփոխանցվի թուրքական իշխանություններին՝ անօրինական ներգաղթյալներին փոխադրողների դեմ պայքարի համար։
