ԱՄՆ ռազմաօդային ուժերի փոխգնդապետ Ռիչարդ Ֆրենչը, պատմելով 1950 թ. միջադեպի մասին, խոստովանել է, որ այլմոլորակայինների է տեսել: Այս մասին հաղորդում է Huffington Post-ը:
1950-ականների սկզբին ԱՄՆ-ը «Կապույտ գիրք» կոչվող ծրագիր էր իրականացնում, որի նպատակն էր հավաքել և վերլուծել այլմոլորակայինների մասին հնարավորինս շատ տեղեկություններ: Իսկ 1970 թ. սկզբին մասնագետները, այդ թվում՝ նաև վերոնշյալ փոխգնդապետը, հայտարարել էին, որ այլմոլորակայիններ գոյություն չունեն:
Եվ միայն վերջերս 83-ամյա սպան խոստովանել է, որ ինքն իրականում տեսել է տիեզերքի այլ բնակիչների:
1950-ականների սկզբին տեղեկություն էր ստացվել այն մասին, որ 2 անհայտ սարքեր ժամում 100 մղոն արագությամբ իջել են Ատլանտյան օվկիանոսի վրա: Ջուրը բավականին թափանցիկ էր եղել, և սպան տեսել էր 2 շրջանաձև նավ, որոնցից յուրաքանչյուրի տրամագիծը՝ մոտ 5.5 մետր, իսկ բարձրությունը՝ 0.9 մետր: Օբյեկտները կանգնած են եղել ափից 6 մետր հեռավորության վրա:
Նավերի մոտ փոխգնդապետը տեսել էր նաև մոտ 2-3 ֆուտ (0.6-0.9 մ) հասակով բաց մոխրագույն էակների: Նրանք բարակ, երկար ձեռքեր են ունեցել՝ 2 կամ 3 մատներով: Նրանց գլխի վերին մասը ծնոտից ավելի լայն է եղել: Այնուհետև նավերից մեկը թռել է ջրի վրայից և 20 րոպե անց վերադարձել: 20 րոպե անց 2 նավերն էլ դանդաղորեն բարձրացել են ջրի վրայից և անհետացել օդում:
Փոխգնդապետի կարծիքով՝ այլմոլորակայինները վերանորոգում էին իրենց փոխադրամիջոցները և ստուգում դրանց հուսալիությունը:
