Վենեսուելայի նախագահ Նիկոլաս Մադուրոն շաբաթ օրը հայտարարել է 3000 զինվոր Միրանդա նահանգ ուղարկելու մասին: Միրանդայի նահանգապետը ընտրություններում նախագահի մրցակից Էնրիկե Կապրիլեսն է: Այս մասին հաղորդում է Ria Novosti-ն:
Մադուրոն այդ որոշումը բացատրել է հանցագործ տարրերի դեմ պայքարի անհրաժեշտությամբ, որոնք, նրա խոսքերով, «իրենց բավականին ազատ են զգում Միրանդայի տարածքում»:
«Մենք զինված ուժերը փողոց ենք դուրս հանում, քանի որ դա ուղղակի անհրաժեշտ է, և նրանք այնտեղ կմնան այնքան ժամանակ, որքան պետք լինի կարգուկանոն հաստատելու համար,- ասել է նախագահը:- Շատ ցավալի է, որ Միրանդա նահանգը երկրում բռնության և հանցագործության ամենաբարձր ցուցանիշ ունեցող նահանգն է»,- հավելել է նա՝ քննադատելով Կապրիլեսի վարչակազմը:
Զորքերի տեղակայումը կսկսվի երկուշաբթի օրը՝ Սուկրե և Բարուտա շրջաններում, որոնք ղեկավարում են ընդդիմության ներկայացուցիչները:
