Տերնոպոլի շրջանի դատախազությունը քրեական գործ է հարուցել «Հաղթնակի օրվա տոնակատարության ժամանակ հասարակական կարգի կոպիտ խախտման» փաստով։ Այս մասին տեղեկացնում է դատախազության մամլո ծառայությունը:
«Հինգշաբթի օրը Տերնոպոլի Փառքի զբոսայգում տեղի ունեցող տոնակատարության ժամանակ Ուկրաինայի Գերագույն Ռադայի որոշ պատգամավորներ «խանգարել են քաղաքացիներին և առանձին քաղաքական կուսակցությունների ներկայացուցիչներին մոտենալ հավերժական կրակին և ծաղիկներ դնել»,-բասվում է տեղեկատվության մեջ:
Դրանից բացի, պատգամավորներից մեկը, ում անունը դատախազությունը չի նշում, «վառել և տոնակատարության մասնակիցների և ոստիկանների վրա է նետել նախօրոք պատրաստված ծուխ արտանետող հրավառության միջոցը»:
Դատախազությունն այս գործողություններում քրեական օրինախախտում է տեսնում, որի համար կազմակերպիչներին մինչև 5 տարվա ազատազրկում է սպառնում:
Ինչպես ավելի վաղ տեղեկացվել էր, Տերնոպոլում «Ազատություն» կուսակցության պատգամավորները, որոնք քաղաքային խորհրդում մեծամասնություն են կազմում, նիստ են հրավիրել, որի ժամանակ, անտեսելով շրջանային վարչական դատարանի որոշումը, կրկին արգելել են քաղաքում կարմիր դրոշներ կախել: Վետերաններին Հավերժական կրակի մոտ չթողնելու նպատակով նրանք քաղաքացիների ընդունելություն են կազմակերպել հուշարձանի անմիջական հարևանությամբ: Սակայն ոստիկանների օգնությամբ վետերանները և իշխանության ներկայացուցիչները կարողացել են հուշարձանին ծաղիկներ դնել:
