Filmpro.ru-ի փոխանցմամբ՝ Մեթ Դեյմոնը, ով «Մարսեցի» ֆիլմում խաղացած դերի համար առաջադրվել էր «Օսկարի», իր կարծիքն է հայտնել ծագած սկանդալի վերաբերյալ՝ կապված ամերիկյան կինոակադեմիայի պարգևների հավակնորդների թվում աֆրոամերիկացի դերասանների բացակայության հետ։
Նա ընդգծել է, որ այդ խնդիրն առնչվում է ոչ միայն ամերիկյան կինոինդուստրիային, այլև ողջ երկրին։ Դեյմոնը հայտարարել է, որ Հոլիվուդը քիչ ջանքեր չպետք է գործադրի ռասայական ու սեռական խտրականության հաղթահարման համար՝ հատուկ ընդգծելով, որ տվյալ հարցը վաղուց է հասունացել ԱՄՆ-ում, և որ ինքը չէր սահմանափակվի «Օսկարին» հավակնողների շուրջ բռնկված սկանդալով. «Այդ խնդիրն առնչվում է ոչ միայն «Օսկարին», այլև զգալիորեն ավելի խորն է։ Հոլիվուդը դեռ պետք է շատ տքնի, որպեսզի ավելի օբյեկտիվ արտացոլի հանդիսատեսի լայն լսարանի զգացմունքները»։
