«Ալ-Քաիդան Իսլամական Մագրիբում» ահաբեկչական կազմակերպությունը հունվարի 7-ին տարածել էր տեսանյութ, որում սպառնում է ահաբեկչություններ իրականացնել Նեապոլում, Հռոմում և Մադրիդում։ Այս մասին հայտնում է Europa Press-ը։
«Այսօր նրանք մեր հողում են, սակայն Աստծու օրհնությամբ կգա օրը, երբ մենք կխոցենք նրանց իրենց իսկ հողում՝ Նեապոլում, Հռոմում, Մադրիդում»,- տեսագրության մեջ ասել է գրոհայինը։
Հոլովակում կան կադրեր Մալիում խմբավորման անդամներով։ Նրանց թվում երևում է Իսպանիայի քաղաքացի, ով ընդունել է Աբու Ալ-Նուր Ալ-Անդալուսի իսլամական անունը։
Տեսագրության տևողությունը 13 րոպե է։ Դրանում օգտագործված են կադրեր արդեն իրականացված ահաբեկչություններից։ Իսպանիայի անվտանգության ուժերը զբաղվում են այդ տեսագրության ուսումնասիրմամբ։
