Երեխաները պետք է գրավոր խոսքի այբուբենը սկսեն սովորել ոչ թե 5-6 տարեկանում, այլ արդեն 3 տարեկանում, երբ նրանք նկարները տպագրված և գրված բառերից տարբերելու ունակություն են ձեռք բերում: Այս մասին հայտնում են գիտնականները Child Development ամսագրում հրապարակված հոդվածում:
«Մեր ստացած արդյունքները ցույց են տալիս, որ կարդալու մասին ամենահիմնական պատկերացումները երեխաների շրջանում ապշելու վաղ են առաջանում: Հենվելով այդ տվյալների վրա՝ հիմա մենք կկարողանանք շատ վաղ տարիքում գնահատել, որ երեխաները լավ կսովորեն կարդալ, իսկ ում լրացուցիչ օգնություն պետք կլինի»,- նշում է Ռեբեկա Թրեյմանն ամերիկյան Սնեթ-Լուսիում Վաշինգտոնի համալսարանից:
Թրեյմանը և նրա գործընկերները եզրակացրել են, որ երեխաներին կարելի է և պետք է սկսել կարդալ սովորեցնել 3 տարեկանում՝ հետևելով մանկապարտեզի 3-5 տարեկան 100-ից ավել սաների վարքին և մտավոր ունակությունների զարգացմանը, որոնց մինչ այդ ծնողները ոչ մի անգամ չեն փորձել կարդալ ու գրել սովորեցնել:
Փորձերի ընթացքում գիտնականները երեխաներին բառերի լուսանկարներ և սխեմատիկ նկարներ են ցույց տվել, որոնցում պատկերված են եղել շներ, որոնց մի մասի տակ գրված է եղել «շուն» բառը: Հերթական նկարը ցույց տալով՝ մասնագետները կարդացել են քարտի վրա գրված բառը, որոշ ժամանակ անց այդ նկարները ևս մեկ անգամ են ցույց տվել նրանց ու ասել, թե ինչ բառ է գրված լուսանկարի վրա: Գիտնականները «շփոթել են» «շուն» և «շնիկ» բառերը ստուգելու համար՝ արդյոք երեխաները տարբերում են այդ երկու հասկացությունները, թե դրանք նրանց համար նույնն են:
Փորձը ցույց է տվել, որ երեխաները նույնիսկ 3 տարեկանում կարող են գիտակցել այդ տարբերությունը, ինչը խոսում է այն մասին, որ նրանք հասկանում են՝ ինչ է նշանը և դրանք ինչ դեր ունեն գրավոր խոսքում:
