ԱՄՆ նախագահի պաշտոնին հավակնող միլիարդատեր Դոնալդ Թրամփը երկուշաբթի ներկայացրել է իր առաջին հեռուստագովազդը, որում խոստանում է «գլխատել» ԴԱԻՇ ահաբեկչական խմբավորումը և նրանից խլել նավթը, որը ահաբեկիչները վաճառում են մաքսանենգ ճանապարհով: Այս մասին հայտնում է RIA Novosti-ն:
«Նա արագ կգլխատի ԴԱԻՇ-ը և կվերցնի նրանից նավթը»,- 30 վայրկյան տևողությամբ հոլովակում հանդիսավորապես հնչում է տղամարդու ձայնը: Այն կհեռարձակվի Այովա և Նյու Հեմփշիր նահանգներում, որտեղ արդեն փետրվարի սկզբին կանցկացվի փրայմերիզը:
Թրամփը կրկին կոչ է արել արգելել մուսուլմանների մուտքը ԱՄՆ: Գովազդում նա խոստանում է կանգնեցնել ԱՄՆ անօրինական ներգաղթի ալիքը՝ պատ կառուցելով Մեքսիկայի հետ սահմանին, ընդ որում՝ իր հաշվին: Գովազդի այն հատվածը, որում երևում են սահմանը վազելով անցնող ներգաղթյալները, սկանդալ է առաջացրել:
Թրամփն անձամբ հատարարել է, որ «հպարտանում է» գովազդային հոլովակով՝ միաժամանակ վստահաբար նշելով, որ ինքը դրա կարիքը չունի:
