ԱՄՆ-ի բնակիչները կարծում են, որ Բոսթոնի ահաբեկչության կազմակերպման մեջ մեղադրվող Ջոհար Ցարնաևը մեղավոր ճանաչվելու դեպքում պետք է մահապատժի ենթարկվի: Այս մասին հայտնում է The Washington Post-ը:
Համաձայն հարցման, որի արդյունքները հրապարակել է պարբերականը, այս դեպքում մահապատժի օգտին է հանդես եկել հարցվածների 70 տոկոսը:
74 տոկոսը հայտարարել է, որ աջակցում է Ցարնաևի գործը դաշնային դատարանում, այլ ոչ թե զինվորական դատարանում քննելու որոշմանը:
Թերթը նշում է, որ հաջակցություն մահապատժի հանդես են եկել ինչպես դեմոկրատների, այնպես հանրապետականների կողմնակիցները: Միևնույն ժամանակ հարցումը թույլ է տվել ի հայտ բերել տարբերություն տվյալ հարցի շուրջ տարբեր էթնիկ խմբերի ներկայացուցիչների հայացքների միջև:
Այսպիսով, Ցարնաևին մահապատժի ենթարկելու օգտին է քվեարկել սպիտակամորթ ամերիկացիների 75, լատինամերիկյան ծագմամբ ԱՄՆ-ի բնակիչների 62 և աֆրոամերիկացիների 52 տոկոսը:
Հարցումն անցկացվել է ապրիլի 24-28-ը: Մասնակցել է 1000 մարդ: