Զարգացող շուկաների և պահանջարկի ավելացման հաշվին տոնական միջոցառումների նախաշեմին առաջատար նոթբուք արտադրողները մատակարարումներն ամսվա կտրվածքով ավելացրել են ավելի քան 10%-ով: Այս մասին հայտնում է internetua.com-ը:
Digitimes Research-ի վերլուծաբանների տվյալներով՝ լեփթոփ թողարկող 5 խոշորագույն անհատական համակարգչի ապրանքանիշ և 3 առաջատար ODM-ընկերություն 2015թ. նոյեմբերին սարքերի առաքումն ավելացրել են՝ համապատասխանաբար 18 և 12 տոկոսներով:
Փորձագետները նշում են, որ բրենդային վաճառողների հնգյակում առաջընթաց է արձանագրել Asustek Computer-ը: Մյուս խաղացողները բացասական դինամիկա են ունեցել. Dell-ի ամսական անկումը մեծ չի եղել, իսկ առաջատար HP-ի և Lenovo-ի մասնագետներն արձանագրել են նոթբուքերի մատակարարման 40% անկում: Կրճատում է արձանագրել նաև Acer-ը:
Quanta Computer, Compal Electronics և Wistron արտադրողները նոյեմբերին բարելավել են ցուցանիշները: Ամենազգալի առաջընթացը գրանցել է Wistron-ը՝ 14%:
