ՀՀ Ազգային ժողովի պատգամավոր, «Լուսավոր Հայաստան» նախաձեռնության անդամ Էդմոն Մարուքյանը համոզված է` Հայաստանի քաղաքական ներկապնակում նոր գույն կավելանա «Լուսավոր Հայաստան» կուսակցության ստեղծմամբ: Դեկտեմբերի 12-ին կայացավ «Լուսավոր Հայաստան» կուսակցության հիմնադիր համագումարը: «Արմենպրես»-ի փոխանցմամբ` կուսակցության 245 պատվիրակների մասնակցությամբ համագումարը համարվեց իրավազոր ու բացված:
Էդմոն Մարուքյանը հայտարարեց, որ այսօրվանից «Լուսավոր Հայաստան» կուսակցությունը սկսում է իր երկար քայլերթը դեպի լուսավոր Հայաստան:
«Մարտահրավեր ենք նետելու բոլոր այն մարդկանց, ովքեր դեմ են, որ Հայաստանում եվրոպական մոդելի պետություն ձևավորվի: Եվրոպական մոդելի պետությունում կան հահակշիռների և զսպումների մեխանիզմներ, այնտեղ իշխանության մի ճյուղը չի դառնում անվերահսկելի, իսկ մյուս ճյուղերն ուղղակի կցված և խղճուկ վիճակում հայտնված:
Մեզ համար դավաճանը ամենօրյա կաշառակերն է, որը վտանգում է Հայաստանի արդիականությունը, որը չունի ո՛չ երազանք, ո՛չ տեսլական»:
Մանրամասները՝ տեսանյութում:
