«Այո և ոչ» ռեալիթի շոուն ընթացել է միջադեպերով. ինչի են ականատես եղել «Ոչ»-ի կողմնակիցները մարզերում

Այո և Ոչ ռեալիթի շոուի Ոչ-ի կողմնակիցները համարում են, որ այն անտարբերությունը, որը իրենք տեսել են մարզերում այդ 20 օրվա ընթացքում արտահայտվել է հանրաքվեի օրը։ Մարդիկ կամ չեն գնացել տեղամաս, կամ գնացել և Ոչ են քվեարկել, սակայն հանրաքվեի գիշերն իրականությունը փոխվեց։

Վաղինակի խոսքերով՝ մարդիկ իշխանության ներկայացուցիչների դեմքին էին ասում, որ իրենց չի հետաքրքրում նոր Սահմանադրությունը՝ նրանց ուղղելով սոցիալական բնույթի հարցեր։

Ստեղծված իրավիճակում էլ ռեալիթի շոուի մասնակիցը չի համարում, որ իշխանությունն իրենց օգտագործել է։ Ընդամենը ֆոն է ապահովել ցույց տալու համար, որ քարոզարշավն անցել է ժողովրդավարական չափանիշներին համապատասխան։

Ամեն դեպքում, Ոչ-ի կողմնակից Ազատ Արշակյանը ևս ամենուր նկատել էր, որ մարդիկ հակված են Ոչ-ին, սակայն Ոչ-ը չկարողացավ պահպանել իր դիրքերը, իշխանությունը դա թույլ չտվեց, քանի որ հակառակ դեպքում իշխանափոխություն տեղի կունենար։

 

Լուսանկարը՝ Armenpress-ի