Գվեն Ստեֆանիի երկրպագուները չէին հասցրել քննարկել նրա ապահարզանը ռոքեր Գեվին Ռոսդեյլի հետ, երբ երգչուհին նրանց խոսակցությունների նոր առիթ տվեց` սիրավեպ սկսելով ամերիկացի հայտնի քանթրի-երգիչ և հեռուստահաղորդավար Բլեյք Շելթոնի հետ, հայտնում է viva.ua-ն:
Հավանաբար, այս տարին Ստեֆանին երկար կհիշի: Մի քանի ամսում նա հասցրել է վերապրել սիրելի մարդու դավաճանությունը, 13 տարվա ամուսնության փլուզումը, անցնել է միայնության և հուսահատության միջով և կրկին սիրահարվել:
Ամեն ինչ սկսվել է ընտանեկան պլանշետից: Ամուսինը այն միացրել է իր հեռախոսին, որը և բեռնել է նրա անձնական նամակագրությունը, ինչը տեսել է կինը: Արդյունքում Գեվինը խոստովանել է, որ արդեն 3 տարի գաղտնի հանդիպում է իրենց դայակի հետ: Դրան հետևել է ապահարզանը, և երգչուհու համար եկել են ծանր օրերը:
Այդ դժվար օրերին երգչուհին մխիթարություն է գտել միայն որդիների հետ շփման միջոցով: Սակայն նրան շատ են օգնել նաև աշխատավայրում` The Voice շոուին մասնակցելու ժամանակ: Ինչպես խոստովանել է Գվենը` ամերիկյան The Voice-ից տաղանդավոր և ուրախ դատավորներ Ադամ Լեվինը, Ֆարել Ուիլյամսը և Բլեյք Շելթոնը նրան շատ են օգնել՝ թույլ չտալով վերջնականապես ընկնել ընկճախտի մեջ:
Ինչ վերաբերում է Բլեյքին, ապա նա բոլորից լավ է հասկացել Գվենին, քանի որ այդ տարի ինքն էլ է անցել ապահարզանի միջով:
Աստղերը ներկայումս հարաբերությունների սկզբնական փուլում են, այդ պատճառով էլ հասարակայնության առաջ դժկամությամբ են խոսում իրենց զգացմունքների մասին:
Կարելի է միայն ուրախանալ, որ 46-ամյա բիզնես լեդին, փոփ-երգչուհին և 3 երեխաների բաժանված մայրը իր խելահեղ օրակարգում ժամանակ է գտել նորից սիրահարվելու:
