Daily Mail-ի փոխանցմամբ` Ինդոնեզիայի կառավարությունը հայտարարել է, որ երկրում մտցնում է մահապատժի ժամանակավոր մորատորիում։ Այս մասին լրագրողների հետ զրույցում հայտարարել է նախարար Լուխուտ Պանժեյտանը։
Նա հավելել է, որ նման որոշումը կօգնի իշխանություններին կենտրոնանալ մյուս խնդիրների և մասնավորապես՝ տնտեսության վրա, քանի որ վերջին երկու եռամսյակներում երկրի տնտեսական աճի ցուցանիշները նվազել են 5 տոկոսից։ Նախարարը հավելել է, որ Ինդոնեզիան սուր կարիք ունի ներդրումների՝ ենթակառուցվածքների վերականգնման համար։
Ընդգծվում է, որ մահապատժի չեղյալ հայտարարման մասին որոշումն ընդունվել է 7 ամիս անց այն բանից, երբ երկրում գնդակահարվեցին 8 օտարերկրացիներ, որոնք մեղավոր էին ճանաչվել թմրանյութերի առևտրի մեջ։