Գերմանիայի մայրաքաղաքում տեղի է ունեցել Սթիվեն Սփիլբերգի «Լրտեսային կամուրջը» նոր ֆիլմի պրեմիերան, որի գլխավոր դերակատարներն են Թոմ Հենքսը, Էմի Ռայանը, Սեբաստիան Կոխը և ռուս դերասան Միխաիլ Գորևը, հայտնում է Rosbalt-ը:
Գորևը ֆիլմում կատարել է գլխավոր դերերից մեկը` Գերմանիայում ԽՍՀՄ դեսպանատան երկրորդ քարտուղար Իվան Շիշկինի դերը, որը Խորհրդային Միության կողմից վերահսկում է լրտեսների փոխանակումը:
Պատմական դրամայի պրեմիերան տեղի է ունեցել Բեռլինի Zoo Palast կինոթատրոնում: Քանի որ ֆիլմի հիմնական գործողությունները տեղի են ունենում հենց Բեռլինում 1957 թվականին, այդ պատճառով էլ այն հանրությանը ներկայացվել է Գերմանիայում: Ավելի վաղ ֆիլմը ցուցադրել են Նյու Յորքի 53-րդ կինոփառատոնում:
Դահլիճը «Լրտեսական կամուրջը» ողջունել է օվացիայով:
