Բելգիայի ոստիկանությունը Բրյուսելի Մոլենբեկ կոմունայում երկու բնակիչների կացարանների խուզարկության ժամանակ հայտնաբերել է ամոնիակի նիտրատ և փամփուշտներ։ Այս մասին հայտնում է Libre Belgique պարբերականը։
Ամզա Ատտուն և Մուհամմադ Ամրին ձերբակալվել էին շաբաթ օրը՝ Մոլենբեկում խուզարկությունների ընթացքում, որոնք անցկացրել էր ոստիկանությունը Փարիզում տեղի ունեցած ահաբեկչությունների գործով։ Երկուշաբթի նրանց առաջադրվել էին ահաբեկչության մեղադրանքներ, նրանք կալանքի տակ են։ Մեղադրյալները, սակայն, հարցաքննության ժամանակ հայտարարել են, որ ամոնիակի նիտրատը օգտագործում են որպես պարարտանյութ։
