Մեծ Բրիտանիայի վարչապետ Դևիդ Քեմերոնը նոյեմբերի 5-ին Ռուսաստանի նախագահ Վլադիմիր Պուտինին տվյալներ է փոխանցել, որոնց հիման վրա Լոնդոնը եզրակացրել է, որ Սինայի թերակղզում ռուսական ինքնաթիռի կործանման պատճառը ահաբեկչությունն է եղել: Այս մասին TASS-ի հետ հեռախոսազրույցում հայտնել է Միացյալ Թագավորության ԱԳՆ պաշտոնական ներկայացուցիչ Ջորջինա Բեյքերը:
«Վարչապետը նոյեմբերի 5-ին խոսել է նախագահ Պուտինի հետ և տրամադրել է աղետի պատճառների մասին մեր եզրակացությունը»,- ասել է Բեյքերը: Նրա խոսքով՝ А321-ի կործանման պահից բրիտանական կառավարության «նախարարները և բարձրաստիճան պաշտոնյաները մշտական կապի մեջ են» իրենց ռուս գործընկերների հետ:
