Strategic Forecasting (Stratfor) ամերիկյան մասնավոր հետախուզա-վերլուծական ընկերությունը իր կանխատեսման մեջ ներկայացրել է Փարիզի ահաբեկչության ներքին և արտաքին քաղաքական հնարավոր հետևանքները, հայտնում է RIA Novosti-ն:
Ֆրանսիայի ահաբեկչությունները ցնցող, սակայն և այնքան էլ անսպասելի չէին, քանի որ Ֆրանսիայի և եվրոպական մյուս երկրների շատ բնակիչներ մեկնել են Սիրիա և մտել ԴԱԻՇ-ի շարքերը, նշել են կենտրոնի վերլուծաբանները: Այժմ Եվրոպայի համար կարևոր է որոշել ահաբեկչության ակունքները` դրանք «տնակա՞ն» են, թե՞ օգնություն են ստացել արտասահմանից:
«Փախստականների հոսքը Եվրոպա այնպիսի երկրներից, ինչպիսին Սիրիան է, բարձրացնում է ջիհադիստների ներթափանցման հավանականությունը միգրացիոն հոսք՝ Եվրոպայի տարածքում ահաբեկչություններ իրականացնելու նպատակով»,- գրում է Stratfor-ը:
Անկասկած այդ ահաբեկչությունները կունենան նաև քաղաքական հետևանքներ: 5 օր հետո Ֆրանսիայի միակ ավիակիրը պետք է ուղևորվի Պարսից ծոց Իրաքում և Սիրիայում ԴԱԻՇ-ի դեմ պայքարելու համար, իսկ սեպտեմբերի վերջից այնտեղ արդեն ավիահարվածներ է հասցնում ֆրանսիական ռազմական ավիացիան:
Կարելի է սպասել, որ Փարիզի դեպքերը կամրացնեն նրանց դիրքերը, ովքեր կոչ են արել դադարեցնելու փախստականների հոսքը և փակել Գերմանիայի և Շվեդիայի, ինչպես նաև Կենտրոնական և Արևելյան Եվրոպայի մեծ մասի սահմանները:
Հանրապետականների ղեկավար, նախկին նախագահ Նիկոլա Սարկոզին , ով հայտնի է իր կոշտ դիրքորոշմամբ անվտանգության հարցերով, այդ թեմայով ելույթ է ունեցել անցյալ շաբաթ, և Փարիզի ահաբեկչություններից հետո հենց նրան կարող է աջակցեն ընտրողները:
