Ազատության հրապարակում քիչ առաջ ելույթ ունեցավ ԱԺ ՀԱԿ խմբակցության պատգամավոր Նիկոլ Փաշինյանը: Վերջինս կոչ արեց ՀՀ քաղաքացիներին ապրիլի 9-ին չգնալ աշխատանքի, չգնալ դպրոց, չգնալ համալսարան և գալ Ազատության հրապարակ՝ մասնակցելու Րաֆֆի Հովհաննիսյանի երդմնակալությանը. «Սիրելի ժողովուրդ, Հայաստանի Հանրպետության հպարտ քաղաքացիներ: Վերջին շրջանում շատ է խոսվում այն մասին, թե ինչու Ռուսատանի, Ֆրանսիայի, ԱՄՆ-ի նման գերտերությունները շնորհավորեցին Սերժ Սարգսյանին: Տարբեր քաղաքացիներ, ամենատարբեր կարծիքներն են արտահայտել այդ կապակցությամբ:
Ֆրանսիայի Ռուսաստանի, ԱՄՆ-ի նախագահները պարտավոր են արձանագրել իորղություններ՝ այս դեպքում Կնետրոնական ընտրական հանձնաժողովի տվյալները: 2013 թվականի փետրվարի 18-ին պաշտոնական տվյալներով՝ այսինքն ԿԸՀ-ի տվյալներով ընտրվել է Սերժ Սարգսյանը, որևէ պետության ղեկավար չի կարող կասկածով վերաբերվել ԿԸՀ-ին, եթե երկրները սկսեն կասակածանքով վերաբերվել,միջազգային քաոս կսկսվի: Սակայն հավատացեք՝ հնարավոր է չեզոքացնել Հայաստանի Կենտրոնական ընտրական հանձնաժողովի տխրահռչակ իրողությունը ,անհրաժեշտ է չեզոքացնել և մենք դա կարող ենք անել ապրիլի 9-ին»: պատկերացրեք Նիկոլ Փաշինյանը հավաելեց, որ այդ օրը՝ ապրիլի 9-ին իր ընտանիքի հետ միասին գալու է Ազատության հրապարակ.«Պատկերացրեք այսպիսի մի տեսարան. Մարզահամերգային համալիրում դիվանագիտական նեղ շրջանակում երդվում է Սերժ Սարգսյանը, իսկ հարյուր քաղաքացի այստեղ իրենցով են լցնում շրջակա միջավայրը: Նրանք չեն ընտրել Սերժ Սարգսյանին Հայաստանի Հանրապետության նախագահ ու չեն ճանաչում նրա իշխանությունը:
Սիրելի ժողովուրդ, Հայաստանի Հանրապետության հպարտ քաղաքացիներ: Նրանք, ովքեր հետևել են իմ քաղաքական գործուղություններին՝ գիտեն, որ քաղաքացիական պայքարի համատեքստում, որ ինձ համար կարևոր չի եղել հանրահավաքի մարդկանց թիվը: Բայց ապրիլի 9-ին կարևոր է բացառապես մարդկանց թիվը. այդ օրը մենք չենք անելու սովորական հանրահավաք, այդ օրը ձևակերպելու ենք մի ուրիշ քաղաքական իորղություն, մի յուրօրինակ փաստաթուղթ, մի կենդանի արձանագրություն, որը կդառնա այնպիսի ծանրակշիռ իորղություն, որի հետ չի կարորղ հաշվի չնստել միջազգային կառավարությունը»:
Նիկոլ Փաշինյանը հավելեց, որ անհրաժեշտ է, որ այդ օրը հաշվարկվի 7, 8, 9 հարյուր հազար, նույնիսկ մեկ միլիոն մարդ.«Դա պետք է լինի քաղաքացիական օվկիանոս, դա կլինի կոնկրետ իրավիճակ, դա բոլորովին ուրիշ իրավիճակ է: Հայտարարում եմ իմ ոչ թե քաղաքական՝ այլ ընտանեկան որոշումը: Ես իմ ընտանքի՝ կնոջս ու երեք մանկահասակ երեխաներիս հետ լինելու եմ Ազատության հրապարակում: Այդ օրն իմ երեխաները դպրոց չեն գնալու, մենք աշախատանքի չենք գնալու ու լինելու ենք Ազատության հրապարակում:
Եթե ՍերԺ Սարգսյանը որոշել է երդվել, թող երդվի, բայց թույլ չեմ տա, որ անի մեր անունից՝ մեր ընտանքի անունից, թույլ չեմ տա, որ Հայաստանի անունը շարունակի ներկայացնել մեր անունից, մեր ընտանիքը չի ունենալու Սերժ Սարգսյան անունով նախագահ: Ապրիլի 9-ին 11:00-ին գալու ենք տոնելու փետրվարի 18-ին Հայաստանի քաղաքացու տարած լուսավոր հաղթանակը, մենք գալու ենք տոնելու մեր քաղաացու հաղթանակը»:
Հաղթանակ կամ ոչինչ, հաղթանակ և ուիրշ ոչինչ: Կեցցեն մեր քաղաքացիները, կեցցեն մեր երեխաները, որ ապրելու որ ազատ, անկախ Հայաստանում:
