Բուրջանաձեն չի ցանկանում համագործակցել Սաակաշվիլիի կուսակցության հետ

News Georgia լրատվական գործակալության փոխանցմամբ՝ Վրաստանի խորհրդարանի նախկին նախագահ, «Դեմոկրատական շարժում» կուսակցության առաջնորդ Նինո Բուրջանաձեն աջակցել է արտահերթ խորհրդարանական ընտրություններ անցկացնելու գաղափարին։

Բուրջանաձեն, սակայն, հայտարարել է, որ մտադիր չէ այդ հարցում համագործակցել նախկինում իշխող «Միասնական ազգային շարժում» կուսակցության հետ։ Վրաստանի նախկին նախագահ Միխեիլ Սաակաշվիլիի կուսակցությունը պատրաստվում է անցկացնել բողոքի զանգվածային ակցիաներ՝ պահանջելով խորհրդարանական արտահերթ ընտրություններ։

Բուրջանաձեն իր հերթին հայտարարել է. «Մենք արտահերթ խորհրդարանական ընտրություններ ենք պահանջում գործնականում 2012 թվականի ընտրությունների հաջորդ օրվանից, երբ «Վրացական երազանքը» «Ազգային շարժմանը» ապօրինաբար ֆիքսեց աջակցության 40 տոկոս քվեներ։

Ի տարբերություն «Վրացական երազանքի»՝ մենք չենք պատրաստվում որևէ թեմայի շուրջ մտնել կոաբիտացիայի մեջ, վարել բանակցություններ և առավել ևս որևէ գործողություն ձեռնարկել հանցավոր «Ազգային շարժման» հետ»։ Վրաստանում խորհրդարանական ընտրությունները պետք է անցկացվեն 2016 թվականի աշնանը։