Թուրքիայի ԱԳՆ ներկայացուցիչը հայտարարել է, որ կիրակի օրը ռուսական ռազմական ինքնաթիռը խախտել է թուրքական օդային տարածքը։ Այս մասին հայտնում է Reuters գործակալությունը։
Գործակալության տվյալներով՝ Անկարան կրկին կանչել է Մոսկվայի դեսպանին պարզաբանումների համար։
Թուրքիան հանդես է եկել հայտարարությամբ, որում ասվում է՝ եթե Ռուսաստանի նման վերաբերմունքը շարունակվի, նա անձամբ կկրի պատասխանատվություն անցանկալի հետևանքների համար։
Առաջին դեպքի հետ կապված՝ Թուրքիայի վարչապետ Ահմեթ Դավութօղլուն հայտարարել էր, որ միջադեպը լարվածություն չի առաջացնի երկու երկրների հարաբերություններում։ Նրա խոսքով՝ Մոսկվան հայտնել է Անկարային, որ միջադեպը տեղի է ունեցել սխալմամբ, և վստահեցրել, որ նման միջադեպեր այլևս չեն կրկնվի։
Այնուհետև Թուրքիայի գլխավոր շտաբի կողմից տարածված հաղորդագրությունում հաստատվել է, որ անհայտ պատկանելության ՄիԳ-29 կործանիչը կիրակի հետապնդել է թուրքական 2 F-16 ինքնաթիռների թուրք-սիրիական սահմանին։ ՌԴ ՊՆ ներկայացուցիչ, գեներալ-մայոր Իգոր Կոնաշենկովը հայտարարել է, որ դա ոչ մի առնչություն չունի ռուսական ավիախմբի հետ։ Նա ընդգծել է, որ այդ տեսակի ինքնաթիռներ «Խմեյմիմ» ավիաբազայում չկան։
