Նիդերլանդները առաջիկա 2 տարիներին կընդունի մոտ 7000 փախստականների։ Այս մասին հայտնում է երկրի անվտանգության և արդարադատության նախարարությունը՝ փոխանցում է TASS գործակալությունը։
Գերատեսչության քարտուղար Կլաս Դեյկհոֆի խոսքով՝ Բրյուսելում կայացած հանդիպման արդյունքները, որի ընթացքում ԵՄ երկրները պայմանավորվածություն են ձեռք բերել 120 հազար փախստականների բաշխման վերաբերյալ, կարելի է համարել գոհացնող։
«Երկու տարվա ընթացքում մոտ 7000 փախստականներ կընդունվեն Նիդերլանդների կողմից»,- նշել է նա՝ հիշեցնելով, որ ավելի վաղ երկիրը ստանձնել էր 2000 մարդու տեղավորման պարտավորություն։
Նիդերլանդներում ապաստան որոնողների խնդիրը ներկա պահին այնքան սուր չէ, որքան այլ եվրոպական երկրներում, հատկապես Հունգարիայում, Հունաստանում և Իտալիայում։ Այս տարվա 8 ամիսներին փախստականի կարգավիճակի ստացման հայտ է ներկայացրել մոտ 17 հազար մարդ, ինչը մոտավորապես համապատասխանում է անցած տարվա վիճակագրությանը։
