Մի քանի ամիս անց այն բանից, երբ աղջկա կյանքը փրկեցին տանից նրան դուրս բերելու դրամատիկ սցենարով, Մեծ Բրիտանիայի ամենագեր դեռահաս Ջորջիա Դևիսը (այդ կոչմանն է արժանացել 2008 թվականին՝ 15 տարեկանում) քաշն ավելացրել է 24կգ-ով՝ հասցնելով 185 կգ-ի:
Բժիշկների օգնությամբ 19-ամյա Դևիսը կորցրել էր 80 կգ քաշ: Հիվանդանոցից դուրս գրվելուց հետո նա ջանում է հավատարիմ մնալ իր դիետային, սակայն դա նրա մոտ չի ստացվում: Այս մասին հայտնում է The Sun-ը:
Քաշի ավելացման և ոտքի ինֆեկցիայի պատճառով նա դարձել է իր բազմոցի բանտարկյալը: Պարբերականին տված հարցազրույցում նա ասել է, որ ցանկանում է առողջ սնվել, սակայն իր վիճակը թույլ չի տալիս պատրաստել: Շաբաթներ կան, երբ ամեն ինչ նորմալ է, շաբաթներ էլ կան, երբ նա շատ թխվածքաբլիթ է ուտում: «Ես չեմ կարող բացել խմորեղենի տուփն ու ուտել մեկ կտոր: Ես դրանք ամբողջությամբ եմ ուտում»,- ասել է նա:
Հիվանդանոցում նրա սննդի կալորիաների օրական քանակը 130 հազարից նվազեցվել էր 1500-ի: Ի դեպ, երկու շաբաթից նա 20 տարեկան կդառնա: Շատ հաճախ նա ստիպված է լինում քնել բազմոցին նստած: Նա ողջ օրը դիտում է հեռուստացույց, կարդում գրքեր:
Նա իրեն խոստանում է նիհարել գոնե հանուն իր կյանքը փրկած բժիշկների:
