Մեծ Բրիտանիայի նախկին վարչապետ Ուինսթոն Չերչիլի դիմանկարը, որը ստեղծվել է 1945-ի հաղթանակի առիթով, աճուրդի կհանվի: Այս մասին հայտնում է The Huffington Post-ը:
Դիմանկարի ստեղծումը նախաձեռնել է Odhams Press-ը՝ «Հաղթանակի գրքի» (Victory Book) համար, որը լույս է տեսել 1946-ին: Նկարում Չերչիլը պատկերված է իր աշխատասենյակում:
Նկարի բնօրինակի և գրքում տպված օրինակի միջև փոքր-ինչ տարբերություններ կան: Նկարիչ Էռնսթ Ուոլքազնի արխիվում պահպանված նկարում չկան Սուրբ Գևորգի խորհրդանիշն ու Եվրոպայի քարտեզի վերևում Վիշապի պատկերը: Դրանք հավանաբար ավելացվել են գրքում՝ նշելով Էլիզաբեթ II-ի գահակալությունը 1953-ին:
Նկարը աճուրդի կդրվի ապրիլի 11-ին, 10-15 հազար ֆունտով:
