Ոստիկանության հատուկ նշանակության ջոկատները Կահիրեի կենտրոնում գրոհել են բնակարանը, որում ապրում է Ինտերպոլի կողմից հետախուզվող Ահմեդ Քադաֆ Ալ-Դամը՝ Լիբիայի տապալված առաջնորդ Մուամար Քադաֆիի հորեղբորորդին: Այս մասին հայտնում է RIA Novosti-ն:
Ձերբակալության ժամանակ Քադաֆը զինված դիմադրություն է ցուցաբերել՝ բարիկադավորվելով բնակարանում, որը գտնվում է Եգիպտոսի մայրաքաղաքի շքեղ շրջաններից մեկում:
Լիբիայի իշխանությունները Ահմեդ Քադաֆին, որը Մուամար Քադաֆիի ղեկավարման տարիներին Լիբիայի և Եգիպտոսի հարաբերություններն էր համակարգում, մեղադրում են նախկին ռեժիմի իրականացրած հանցագործություններին մասնակցելու մեջ:
Ավելի վաղ Լիբիայի նոր իշխանությունները եգիպտական կողմի ներկայացուցիչներին էին ուղարկել 80 անձանց անուններով ցուցակ, որոնք ժամանակին ղեկավար պաշտոններ են զբաղեցրել և Քադաֆիի տապալումից հետո տեղափոխվել էին Եգիպտոս:
