Այն բանից հետո, երբ այս տարվա գարնանը արքայազն Հարրիին նկատել էին իր նոր ընկերուհու` հեռուստադերասանուհի Ջեն Կոուլմանի ընկերակցությամբ, նրանց մասին այլև ոչինչ չէր լսվել, հայտնում է 7days.ru-ն: Նրանց երկար ժամանակ միասին չէին տեսել, և բոլորը մտածում էին, որ արքայազնը մոռացել է գեղեցկուհի Ջենին: Սակայն պարզվել է, որ դա այդպես չէ: Ներկայումս Հարրին գտնվում է Նամիբիայում, որտեղ զբաղվում է իր սիրելի նախագծով, ինչն ուղղված է վայրի կենդանիների որսի դեմ: Սակայն դա չի խանգարում նրան սերտ նամակագրության մեջ գտնվելու սիրած աղջկա հետ:
Իսկ երբ Հարրին սեպտեմբերի վերջին վերադառնա Մեծ Բրիտանիա, հավանաբար նրանց հարաբերությունները կանցնեն նոր մակարդակի վրա: Դա շատ կտխրեցնի Քրեսիդա Բոնասին, ում հետ արքայազնը ավելի վաղ ուզում էր ամուսնանալ:
Չնայած Քրեսիդան և Հարրին բաժանվել են դեռևս անցյալ տարի, սակայն նրանք մոտ հարաբերություններ են պահպանել: Բայց հիմա, թվում է, Քրեսիդան առիթ ունի մոռանալու Հարրիին:
