Մեծ Բրիտանիայի էներգետիկայի և կլիմայի փոփոխության նախկին նախարար Քրիս Հյունը, որը դատապարտվել էր 8-ամսյա ազատազրկման, ըստ բրիտանական ԶԼՄ-ների, Ուանդսվորթ բանտում ծաղրուծանակի է ենթարկվել: Այս մասին հաղորդում է The Daily Telegraph-ը:
Այսպես, բանտի հսկիչը իբր Հյունին նախաճաշի է կանչել Order, order բառերով, որոնք ավանդաբար ասում է Համայնքների պալատի խոսնակը՝ փորձելով կասեցնել չափազանց թեժ քննարկումները:
Իսկ որոշ տեղեկությունների համաձայն՝ մյուս բանտարկյալները, իմանալով, որ նա միլիոնատեր է, նրանից սկսել են գումար խնդրել,- գրում է The Sun-ը:
Բացի այդ, երբ մարտի 13-ին Հյունին գնացել էր այցելելու նրա քաղաքացիական կինը՝ Կարինա Տրիմինհեմը, նա մեքենան սխալ կայանելու համար տուգանվել է 110 ֆունտ ստերլինգով (160 դոլար):
Կինը հայտնել է, որ Հյունի մոտ «ամեն ինչ բացարձակապես նորմալ է, և նա լավ տրամադրությումն ունի»,- հաղորդում է Agence France-Presse-ը:
Քրիս Հյունը ստիպված էր հեռանալ նախարարի պաշտոնից 2012 թ. փետրվարին այն բանից հետո, երբ նրան բռնացրել էին ոստիկանությանը ստելու մեջ:
2013 թ. մարտի 11-ին Հյունը ու նրա նախկին կինը՝ Վիկի Փրայսը, դատապարտվեցին 8 ամսվա ազատազրկման արդարադատությանը խաբելու համար: Հյունը ճանաչել էր իր մեղքը:
