Գիտնականները պարզել են, որ ոչ համեղ սնունդն իջեցնում է մարդու հուզական վիճակը, առաջացնում անտարբերություն և քրոնիկ հոգնածություն։ Այս մասին փոխանցում է Mignews-ը։ Մասնագետները կարծում են, որ հենց այդ պատճառով էլ կոշտ դիետաները, որոնցում հաճախ կիրառվում են ոչ համեղ մթերքներ, կարող են իսկական նյարդային խանգարում առաջացնել։
Այն մարդկանց վրա, ովքեր հակված են ընկճախտի, միօրինակ սնուցումը գործում է էլ ավելի խորը։ Նրանք ուտում են ավտոմատ՝ առանց չափի զգացման և սկսում քաշ հավաքել։
Այսպիսով, ստացվում է փակ շրջան. դիետաները հանգեցնում են ընկճախտի, իսկ դեպրեսիվ վիճակն իր հերթին ստիպում է մարդկանց ավելի շատ ուտել։ Համաձայն գիտական տվյալների՝ նորմալ քաշով մարդկանց մոտ 30 տոկոսը ընկճախտի ժամանակ գիրանում է։
